Regata Real 1937

REGATA REAL 1937

Poesia, di autore veneziano anonimo, dedicata a Ferruccio Morucchio
detto Ciuci, vincitore della Regata Storica Reale del 1937.

(Per gentile concessione di Arturo Morucchio)

Mia cara Venexia el to canalasso
xe colmo de giubili, de canti, de ciasso;
de arazi e bandiere; de richi festoni
xe ornae le altane, xe pieni i balconi,
e in mezo al tripudio ghe xe che più val:
ghe xe la Regata, la Regata Real.

Foresti che parla inglese o todesco,
francesi che alegre vol gòderse el fresco
le tose che canta, da festa vestie,
i fiori, la gioia, do, tre melodie
vien su da le barche . . . spetacolo ugual
pol solo donarlo el nostro Canal.

Ma za da lontan un colpo se sente
se agita tuti, se struca la zente,
par tuto se dixe 'na sola parola:
atenti creature che adeso i se mola.
E in mezo a un tripudio che fa sbalordir
dei bei regatanti se vede l'ardir.

Xe primo Morucchio, ma no Scuciareto,
ti vedi Verzotto che bate el socheto . . .
la barca de Aricisa xe quela de viola
ma quela de Crea de serto no mola . . .
No i core, ma i svola, pò i gira el paleto
e i riva a quel palco bramà, benedeto.

I pope ben saldi, de razza gran fiera
'sti grandi campioni xe tuti in bandiera
e fra canti e struconi, fra basi e vin bon,
ti senti le note del "nostro leon".
Col bianco, col rosso, col verde e col blu
ti senti el procheto che fa gru, gru, gru . . .

Cò tuti i so fioi Venexia ga vinto,
"de serto de gloria il leone s'è cinto".
E cielo se indora, le stele risplende,
xe l'acqua ormai stanca de tante vicende . . .
Xe vero, creature, spetacolo ugual
pol vedarse solo nel nostro Canal

Questo sito utilizza i cookies
Utilizziamo cookies di sessione per rendere più fluida la tua navigazione e di terze parti a soli fini statistici. Continuando la navigazione esprimi il tuo consenso all'utlizzo dei cookies nel rispetto della normativa in vigore.